تطبيق فلسطيني للطريق · الضفة الغربية
وين بيجيبلك حالة الطرق لحظة بلحظة، بيرسملك طريق بيبعد عن المسكّر، ومعك مساعد ذكي بيفهم لهجتك وبيرد عليك صوت وكتابة.
بدعم من المجلس الأعلى للإبداع والتميّز
أرقام حيّة من نفس البيانات اللي بيشوفها مستخدمين وين.
شوف وين بدقيقة
الخريطة الحيّة، طريق بديل لما يتسكّر طريقك، وضع الرحلة، مساعد وين اللي بتحكي معه بلهجتك، والخدمات على طريقك — كلها بدقيقة.
حمّل التطبيقشو بيعمل وين
كل طريق بلونه وباتجاهه: داخل وطالع، سالك أو مسكّر أو أزمة. اللي بيتغيّر بتشوفه بنفس اللحظة.
المشرفين بيكتبوا الخبر بلهجتنا، ووين بيفهمه وبيحوّله لحالة واضحة على الخريطة للكل.
حطّ طرقك المفضّلة، وبسؤال واحد بتعرف وضع مشوارك كله قبل ما تمسك المفتاح.
اسأل بالصوت أو الكتابة: حالة أي طريق، أقرب مستشفى، صيدلية مفتوحة، أو أكل على ميزانيتك.
إسعاف 101 · شرطة 100 · دفاع مدني 102 — ضغطة وحدة من أي شاشة، ووين بيقدر يتّصل عنك.
آخر حالة محفوظة عندك على الجهاز، وبيتحدّث لحاله أول ما ترجع الشبكة.
عين سينيا سالك؟
عين سينيا سالك من 10 دقايق، وعلى بعد 4 كم منك. طريقك من البيرة كله سالك هلأ.
طيب أقرب صيدلية مفتوحة؟
في 3 صيدليات مفتوحة حواليك، أقربها على بعد 600 متر. أفتحلك الطريق؟
اه، وبدي دكتور عيون بكرا
حاضر. عندي دكاترة عيون قريبين منك بدوامهم بكرا — بتفضّل رام الله ولا البيرة؟
وين AI
مش شات عام. وين بيجاوب من حالة الطرق الحيّة، ومن أكتر من ألف وست مية دكتور بدوامهم، ومن عشرات الآلاف من الأصناف بالسعر والمسافة.
كيف بيشتغل
مشرفين وسواقين بيبلّغوا بلهجتهم: «حوارة مسكّر» أو «عين سينيا فاتح بس أزمة».
محرّك لغة مدرّب على كلامنا بيحوّل الجملة لحالة واضحة، لكل اتجاه لحاله.
الخريطة بتتحدّث عند الجميع بنفس اللحظة، وطريقك بيبعد عن المسكّر.
وكل سيارة معها وين بتمرق من طريق، بيعرف من حركتها إذا سالك أو في أزمة — والحالة بتتحدّث للكل، من دون ما حدا يكتب كلمة.
قصتنا
ناس بيحكوا لبعض عن الطرق، عشان ما حدا يعلق ولا يضيع. الفكرة كبرت، وإجا دعم المجلس الأعلى للإبداع والتميّز اللي آمنوا فينا ووقفوا معنا. ومن تطبيق للطرق، صار وين مساعد ذكي لكل إشي بطريقك.
عشان مع وين… ما رح تضيع.